今日市況簡評 (26-10-2015)

2015-10-26 Sky 市況簡評

上週五人行宣佈雙降,致使我們23500的長遠target,在夜期時段達標了,如果你在夜期時段沒對沖手上的牛證,今天回來一樣可以平倉,我自己會平一半手上牛證,連同上星期所平即平了當初入市總數的七成半到八成左右,不過剩下的也會見高就平多D,目標係平到九成,剩下一成就會等止賺訊號,有朋友email問人行雙降,歐洲放水,何以如此保守,如果我都叫保守,咁就真係唔知點講,20500揸番一次,21900以前加注,,22176再加注,23000 take d,23200 take d,23500 take多d,係入市時策略,我只係跟住策略做,在熊市連揸三注牛證及call,當日就有朋友問我點解咁癲睇23500咁遠,升了賺了平倉,變成了點解咁保守?變得太快,我真係跟唔到。查實由低位20249升到今天約23500,升了3200點以上,用了18個工作天,如果我們做做stat.,過去五年(唔計今次),只出現過兩次,一次係2011年10月,一次係2015年4月,兩次都係出現後不久大回調,唔夠膽話今次又係咁,有信心就沽空啦,就係無信心,前景突然太清晰,市場上突然無人唔識睇,大家都睇得幾好,我就情願唔識睇了。難得18日升3300點,仲唔袋大部份利潤落袋,投資/投機係有值搏率才下注,現在連當日大家覺得遙不可及的23500目標都到了,點解仲要去搏?,況且我走極都仍然成手股票,點會算保守?!

手上既個股,我會逐步逐步撒退,先前大部份主力集中在衍生工具,後期出現訊號無乜買,因已搏得太盡,前期股票多為衰股反彈,所以唔係大升,大升只有高鵬(2212),已升過倍了,表現普通的,會趁這次到23500,再做頂之時,平倉或換馬,除了在sms叫買的有些在此早文提及,但沒在sms叫買的,大家可能買了,可以emai我 sky788cheung@gmail.com問去留。

Facebooktwittergoogle_pluslinkedinmailFacebooktwittergoogle_pluslinkedinmail

Comments are currently closed.


Powered by http://wordpress.org/ and http://www.hqpremiumthemes.com/