今日市況簡評 (05-10-2015)

2015-10-05 Sky 市況簡評

醞釀已久的反彈來到了,上週五的爆升,我不感奇怪,不然就不會用’’反彈在望’’作題,這次反彈等了太久,淡倉已累積了一定數量,如果要彈,應有一定幅度,始終上季跌了五千點,就算只反彈1/3,都到21800,如果彈一半,則見22700以上,所以無論跌過幾次,我逢穿底都會入牛,搏大市精神分裂或無緣無故上升,情願見勢色唔對,走先,不等收回。

今週是判斷大市有否後勁的一週,上週五晚美股先跌後升,今日勢必高開,近月高開都無乜好結果,如果今日又係高開低走,我都會減持走位,但如能做到陽燭,則有資格升多過千點,所以我會看著辦,看看有否機會搭上熊市最轟烈又最『蝦人』的反彈浪了。

今日即市只做沽或者唔做,因為大家已開始因週五美股跌轉升而改觀了,今日勢必開得高,或者太高,今日未必會太好,但過完今日收到陽燭,會有一番新景象,因為上星期投資者都對上升不以為然,始終即月升勢都是一升即逝,一直都未能持續,但今次可不一樣,如果收陽燭,我會先入一注大的牛證,稍一調整,我會加call,如果能真做到入市條件的話,今次可不是細細注大大聲了。

Facebooktwittergoogle_pluslinkedinmailFacebooktwittergoogle_pluslinkedinmail

Comments are currently closed.


Powered by http://wordpress.org/ and http://www.hqpremiumthemes.com/